Қазақмыс туралы
Қазақмыс – Қазақстандағы ең алып мыс өндіруші, табиғи ресурстарды өндіру және өңдеу бойынша жетекші халықаралық компания. Мыс өндірісі кенді өндіруден бастап, соңғы өнім - катодты мыс пен мыс сымдарды шығарғанға дейін толығымен біріктірілген.
Негізгі қызмет түрлері
«Қазақмыс» табиғи пайдалы қазбаларды іздеу, барлау, өндіру, байыту, өңдеу жұмыстарын жүргізеді және мыс пен басқа да пайдалы қазбаларды экспорттайды. Компания катодты мыс өндіруден бөлек, алтын және күміс құймаларын, күкірт қышқылын, мыстың теллурит және селен түрлерін, қорғасын тозаңын шығарады.
Кәсіпорын туралы
«Қазақмыс корпорациясы» жоғары өндірістік және ғылыми-техникалық әлеуеті, қажетті энергетикалық және жылыту ресурстары, заманауи технологиялық және телекоммуникациялық жүйесі, біліктілігі жоғары мамандары бар, бір сөзбен айтқанда өндірістің көлемін арттырып, одан әрі дамуға мүмкіншілігі мол кәсіпорын.
«Қазақмыс» Тобы құрамындағы кәсіпорындар:
«Қазақмыс корпорациясы» ЖШС:
«Sayk-4 Project» ЖШС, Саяқ-4 кен орнын өңдейді.
«Анисимов ключ Project» ЖШС, Анисимов ключ кен орнын өңдейді.
«Айдарлы Project» ЖШС, Айдарлы кен орнын өңдейді.
«Жанашыр Project» ЖШС, Жайсаң кен орнын өңдейді.
«Kazakhmys Coal» ЖШС, «Молодежный» көмір разрезін және «Қушоқы» көмір разрезін өңдейді.
«Kazakhmys Energy» ЖШС:
«Kazakhmys Smelting» ЖШС:
«Қазақмыс» пайдалы қазбаларды өңдеу саласында және кен орындарында Бөрлі, Жоғары бьеф, Эскула жер асты суларын жинап, пайдалануда тәжірибесі мол компания. Корпорация заңды тұлға болып есептеледі және өз қызметін Қазақстан Республикасының аумағында жүргізеді. Кәсіпорынның қаржылық жағдайы тұрақты.
«Қазақмыс корпорациясы» ЖШС «Kazakhmys» Тобына жатады. Минералды-шикізат базасын нығайту және қамтамасыз ету мақсатында барлау жұмыстарын жүргізу үшін топ құрамынан «Kazakhmys Barlau» ЖШС компаниясы құрылды. Қазіргі таңда «Қазақмыс корпорациясы» жер қойнауын пайдалану туралы 30 дан астам келісімшарттың негізінде пайдалы қазбаларды барлау және өндіру жұмыстарын жүргізуде.
