2021 жылғы 9 шілдеде «Директорлар мектебі» бағдарламасының бірінші қабылдауына қатысушылардың оқуды бітіру кеші сәтті өтті. Іс-шараны өткізу үшін Персонал қызметі «Басқару шыңын бағындыру» символикалық тақырыбын таңдап, ұтымды көрсетті.
Бағдарламаның он тоғыз түлегі өткенге көз жүгіртіп, екі жыл бойы оқып-тоқыған білімдерін еске түсіріп, алған дағдылары мен білімдерін тақырыптық ойын форматында көрсетуі тиіс еді.
Бағдарламаның түлектері – жан-жақты дарынды шығармашылық тұлғалар. Мысалы, басқару шыңын бағындыру процесінде музыкалық аялдауды ұйымдастыру олар үшін өте қарапайым, алайда қалаулы және қызықты тапсырма болды.
Іс-шараның соңғы бөлімінде бағдарлама түлектері марапатталып, корпоративтік кәдесыйлар табысталды, бағдарламаның атаулы тәтті торты отшашумен салтанатты түрде шығарылып, топтар жеңістерін мерекеледі.
Оқуды бітіру кешін ұйымдастыру үшін барлық мүдделі қатысушылардың қауіпсіз қатысуын қамтамасыз ету бойынша алдын-ала дайындық жұмыстары жүргізілгенін айта кеткен жөн. Ал іс-шара барысында санитарлық-эпидемиологиялық нормалар мұқият сақталды.
Бір сөзбен айтқанда, басқару шыңы бағындырылды!
Директорлар мектебін дамыту бағдарламасы туралы толығырақ:http://www.kazakhmys.kz/kk/news/id/383
